Kategorie-Archiv: Simon

Kindergeburtstrage von Lukas (8) und Simon (6)

Veröffentlicht am von — Keine Kommentare ↓

Ich habe bei beiden eine Schatzsuche organisiert. Lukas‘ Freund gingen mit Taschenlampen in den Untergrund der Kempt und mit Simon und seinen Freunden gings an einem Mittwoch Nachmittag bis zur Höhle in Effretikon.

Beide Teams durften am Schluss ein Säckli Schläckzügs in Empfang nehmen, nachdem sie den Code vom Tresor geknackt hatten.

IMG_5356IMG_5561

Simon hat den 1. Zahn verloren!

Veröffentlicht am von — Keine Kommentare ↓

Am 25. Juli 2014 hat Simon seinen ersten Milchzahn verloren. Also, den ersten Zahn hat er ja mit eineinhalb Jahren schon rausgeschlagen. Aber den ersten Gwaggelzahn, hat er mit 5 1/3 Jahren verloren. Und das kam so: Beim Abendessen bemerkte er zum ersten Mal, dass er eine Wackelzahn habe. Nachdem alle Jungs im Bett waren, schauten René und ich noch das Meteo. Plötzlich war ein Tumult oben. Simon hat den Zahn schon rausgenommen. Gut gemacht!

Min Schuelwäg

Veröffentlicht am von — Keine Kommentare ↓

Lukas:
Zerscht lauf ich d Steig duruf, inklusiv Stäge, bis as Aendi vo de Steig. Denn lauf ich de Rikonerstrass nah bis die au fertig sich und überquere d Dorfstrass. Denn lauf ich det quer durs Zügs dure und chum a de Badstrass bi de Glas-Sammelstell zu de andere Chind. Mit mine Fründe oder au elei lauf ich denn a de 4 Tennisplätz verbii, am Skaterplatz verbii und a de Badi verbii. Die umlaufed mer uf de Ostsiite und spaziered denn s Loch ab bis under d Autobahn. Det gist au en hufe Gheimwäg z.B. dur de Hag oder uf de Schrägi vom Bruggeport under de Autobahn. Nachher gömmer under de Underfüehrig dure und laufed Richtig Strass, wos id Alieferig vo de Raschtstett Kemptthal gaht. Det überquered mer denn das Strässli und chömed scho Richtig Holebach. De gfallt mer!!! Mir müend s ganze Tobel duruf laufe am Holebach entlang – oder au im Holebach drin :-). Wänn mer zoberscht sind, chömed mer an Wäg, wo vom Strickhof uf Winterberg füehrt. Det büged mer links ab uf d Schnällböcklerstrass. Und denn chunnt s Schuelhuus! Ich han en coole Schuelwäg.

Simon:
Ich lauf vo de Steig uf de Florwäg. Am Endi vom Florawäg lauf ich über d Koloniestrass und denn büg ich grad Richtig Rikonerstrass ab. Die überquer ich denn bi de gmalete Füessli (vom Polizischt). Denn chum ich am alte Huus verbii und lauf de Schuelwäg wiiter duruf bi de Chinzgi chunn. Ich han au en schöne Wäg!

März 2014

Veröffentlicht am von — Keine Kommentare ↓

Lukas
Ich gahn i di 1. Klass zum Herr Sinniger. Nach eim Jahr Chinzgi in Tagelswange, eim Jahr Chinzgi in Lindau, darf ich jetzt uf Winterberg id Schuel. Ich bin en guete Schüeler und darf sogar is Lernforum. Det gfallts mer fascht am Beschte, det wird ich richtig gforderet. I minere Freizyt spiel ich Unihockey bi de Pumas. Im Moment fahr ich gern Velo mit Klassekamerade. Und denn spiel ich mega gern mit em Simon. Mir sind es Dreamteam und verstönd eus blendend. Mir teiled au s Zimmer mitenand. Dine tuen ich immer no gern Lego Technics baue. Ich erfinde di kompliziertischte Getriebe und Lenkige. De Schuelwäg dur de Holebach gfallt mir au bsunders. Und natürli bin ich immer no en hitzige und mues nur bi under 0° d Jagge zue tue. Suscht schwitz ich. Jede zweit Samschtig bin ich i de Jungschi, das gfallt mer. Min beschte Fründ Joschue chunnt au! Mis Lieblingsbuech isch „das Mamutbuch der Technik“, det lies ich amel, wie d Sache funktioniered und denn erklär ichs am Mami. Ich bin fröhlich, hilfsbereit und en gfreute Bueb.

Simon
Ich darf in Grafstal in erschte Chinzgi. Bis jetzt bin ich jede Tag gern gange und jede Tag fröhlich hei cho. S gfallt mer so guet bim Herr Schmid. Meischtens mues ich grad ufs WC wänn ich hei chume. Ich han vill verschiedeni Fründe. Am beschte us chum ich mit em Leandro, de Saskia, de Sara und mit em Finley. Und denn au no mit em Elia, aber de gsehn ich nur selte. I minere Freizyt gahn ich is Chinderturne. Das isch lässig. Das Jahr hämmer sogar e Uffüehrig gha! Dihei tuen ich gern zämesetzle, Unihockey spiele und Lego baue. Ich baue aber kei komplizierti Sache, mir gfalled Ragetene und Autos us Lego. Mit em Lukas und mit em Mami lieb ichs, Tschau Sepp z spiele. Min grosse Brüeder isch sowieso en coole, mir spieled mega vill mitenand. Natürli hämmer au no de Manuel, aber er isch halt i vilem nochli z chli. Ich bin flissig, lernbegierig und mache gern Chinderrätsel. Ich bin en heimlifeisse, fröhliche und usglichne Bueb. Au en mega Gfreute!

Manuel
Ich bin en Nuggibueb und en ahängliche bim Mami. Aber die grosse zwei speiled meischtens mitenand, so nimm ich ebe s Mami zum spiele. Ich lose gern d CD mit de Schlieremer Chind vom Zoo und luege gern Büechli mit Tier oder Fahrzüg a. Ich bin nonie ufs WC, defür chan ich mit mim Laufrad u schnell fräse. I minere Freizit (ich han ja eigentli nur Freizyt :-)) gahn ich mit em Mami is MuKiTurne. De Mukibär hät mir sogar e Charte gschribe us de Ferie. Leider häts det keis anders Chind us Grafstal wo ähnlich alt isch wie ich. Aber ich spiele mit de Zwilling vo näbeddra oder mit mine zwei Cousins Robin und Linus. Ich bin guet im Chlättere und Umegumpe und liebe min Hund. Ich han mängisch en Dickchopf, aber suscht bin ich glaub en Gmögige. Uf jede Fall bin ich de ruhigscht und de kuschligscht i de Familie. S Mami hät a mir au ganz vill Freud.