D Flumsi käni underdesse au scho. Am Wuchenend vom 31. März / 1. April (kein Scherz!) bini s erscht mal det obe gsi. S Spaziere i de Wintersunne hät mer guet gfalle. Dur de tüf Schnee häts schön ghopperet. Die wo händ müese stosse, händ defür en riese Chrampf gha mit mir und em Wage. Das sind näbscht em Mami und em Papi s Omi und de Grosli gsi. Vor allem de Grosli hät sich voll is Züg gleit. Danke!
Es hät mer bsunder guet gfalle, dass mi ali so fescht gern händ und drum au gaaanz vill mit mer knuddlet und gspillt händ. Am Abig simmer usswärts go ässe. Ich bin ganz brav gsi und han schön gschlafe.
Am Sunntig Morge hät mi s Omi gfüeteret und de Grosli am Sunntig Abig. Die händs also no voll im Griff! Uf jede Fall han ich mich sehr wohl gfühlt und am Mami hät de schöni Tag uf de Pischte mit em Omi au sehr guet ta.
– – – – – – – – – – – – – – – – – – – – – – – – – Also ich gahn wieder emal!