Sit Endi März wohned mir im neue Huus. Es isch nöd neu, aber für eus isch es neu, dass mir jetzt i de Steig wohned. Mir gfallts! Jetzt teil ich mit em Simon s Schlafzimmer und defür hämmer es Spielzimmer – mit Computer! Aber s Bescht isch de gross Garte. S Mami hät ihres Gmües und d Blueme und mir händ viel Platz zum spiele. Eusi Eltere händ en Sandhufe lackiert und en Bode anegmacht. De Sand isch wie am Sandstrand. Und denn hämmer es Gstell für Gireitzis vonere Familie mit scho grosse Chind übercho. Au das hät s Mami agmalet und jetzt häts de Papi ufgstellt. S Omi und de Grossdädi händ denn no Gireitzene gspendet und jetzt chömmer gmüetlich oder wild schaukle. Mega super. Und mit de Nachberschind hani mi au scho agfründet. Hüt sind de Justin und de Jeremy bi eus gsi, geschter simmer sogar sächs Chind bi eus im Garte gsi.
(Foto folgt…)